مـواقـف الــحياة .. [ مســاحة حرة للجميع ]

26-07-2008, 03:34 AM

^

فــراشة الروح
&
أعمــاق

شكـراً لـ تواجدكمـ

(( مــوقف آخر ))

رأيته من فترة طويلة ,, لكن مريت ع الموضوع ,, وكسر خاطري ,,
قلت احط هـ الموقف قبل لـ ينمسح من الذاااكرة ,,

قبل فتــرة كنـت امشي في أحـد الشـوارع ,, بـ " السيارة "

وعنــد وقـوفي في الإشارة " الحمراء "

فـ بديت اسولف مع اللي معي بـ السيارة > اختي ,,

و انا اتكلم معها ,, شفــت شي غـريب في المــرآية الأمامية ( يعني شفت اللي وراي )

شخــص ماسكـ جــواله ,, و كأنه يريد تصــوير نفسه " وجهه "

و كان الغريب إنه يعمــل حــركات غــريبة بـ يده الأخــرى

ركّــزت أكثـــر ,,

و لمّـا شفته بـ وضوح

اكتشــفت إن الـ (( حركات الغريبة )) ,, كانت عبارة عن

كـــلام الصـــم
" لغة الإشــارة "

,, ! ,,

> أيّ أنه كـان يحادث شخصاً آخر بـ الجوال مُستخــدماً لغة الإشارة عن طريق
خدمة " الإتصال المرئي (الكاميرا) "

عنــدها فقط ,, ادركــت اهميــة ذلك الإختــراع الصغيـر و أيقنت إنه لم
يوضع لـ إلتقاط صور محارم الآخرين

بل لـ من هم لا يمــلكون القـدرة على السمع و الكــلام

فـ حمـــدت ربــي ,, أني لا استخدم الجـوال بـ تلك الطريقة اللتي كان يستخدمها الـ " أصم " خلفي

دُمــــتم ,,, أصِحــاء ســالمين

تحيــــة ,,

26-07-2008, 08:41 PM

مسكين والله

كسر خآطري الأصم

بس فرحت للدكتور

الحمدلله على سلآمة زوجته

والله لو أني مكانه كان ماعرفت أشرح بأسترسآل

انا يوم قريت قصة الدكتور ... تذكرت... ان مثل مافي معلم طيب في معلم ؛×,/*.&. >>>مشفر

اتذكر موقف >>>قلبي يدق بقوة لمجرد التذكر

بس رآح أقوله إذا تعشيت ورجعت

يسلمووو فآرم على هالموضوع المذهل

نص سآعة وأنا رآجعة

سلآمز
عنيدهـ حد الدعسة

26-07-2008, 09:28 PM

لما كنت بثآني ثآنوي

كنت طالبة مجدة محبوبة من جميع المعلمآت.... لأني حتى بدون الجد احب أسولف مع المعلمآت أنفرآدياً

>>>تنفع حركة سوالف مع المعلمات حق الدرجات خخخخ

إلآ أبلة كنت ماطيقها

ونفس المشاعر كانت تكنها لي

كانت مشرفة المصلى... وأتوقع أنها تدري اني شيعية وهذا سبب الكرهـ... لأنها بنت ((نسيت عايلتها.. بس بدوية))

أسلوب هالمعلمة كان يعتمد على المزاح من العيار الثقيل جداً... يعني مزحها انها تطنز على البنت اللي واقفة قدامها

وهذا اللي يخليني أستحقرهآ... لأنها ماتراعي مشاعر البنت الواقفة قدآمها

المهم ماعلينا.... ندخل بالسآلفة

اول شئ أحب أقول ان من طبع هالمعلمة انها اول ماتبتدي التسميع تسمع الفصل كآمل

يعني الفصل الميكانيكي مثل تسمعه من البدآية لدرس أمس... |[ معلمة فيزياء]|

مرة بدت التسميع... وعاد القلوب طاحت في البطون... لأنها اذا قومت بنت تسألها 4 أسئلة فأكثر... مايهجيها سؤال وآحد... عشان تتأكد البنت مذاكرة ولآ

قامت تسمع وتوقف وتطلع وتعطي مسائل وأنا ادعي ربي ماتقومني

وبينما القلوب واقعة في الأيدي... والرؤوس تتسآقط وتنصرع خخخخ

قالت... شكلكم كرهتوا حصتي بسبب التسميع

قلت انا بهمس أي والله

ولمحتني بل عليهآ

وبحلقت عيونهآ بقوووهـ... يمآ انا اخترعت

اهي لحالها عيونها لحالها وساع وتحط فيهآ كحل وتبحلقهم زيآدهـ

حسيت انها جني أسود

وبعدين قآلت

انتي يالـ(بنت الدعسة) أنا اكرهك >>>طبعاً قآلت عايلتي

يالله شوفي مشآعري ذيك الحزهـ

انا لحالي مخترعة من عيونها والفشلة اللي قفطت وجهي فيها قدام بنات الفصل كلهم

كل الفصل يوم قآلت تكرهني قامو يطالعون فيني... ينتظرون ردة فعل

انا ولآ كلمة >>>هول الصدمة خلآني انطم وآكل خرآي بعد

بعدين ابتدت تشرح الدرس... وصار في عرض بروجكتر في الشرح

انطفت الأنوآر وخلاص انا ماقدرت ... البنآت بظهري ومعطيني ظهورهم... ماحد يطالع فيني

خليت دموعي تآخذ مجرآها... ظليت ساكتة طول اليوم المدرسي

بمن وصلت البيت وانهرت بسكوت... بعدها تفجرت صياح وانا اقول مابي اروح المدرسة...

أمي تقول شفيج وش بلآج انتي اللي تقولين تحبين المدرسة تسوين كذآ.............إلخ

المهم مر ذاك الأسبوع بصعوبة...

طبعاً إلى الآن وانا في قلبي نقطة سودآ بسبب جملتها الخايسة... ماراح احللها... قهرتني

انا قلت يمكن في يوم من الأيام تقول لي انها تكرهني بس مو كذآ ومو هالطريقة

عذراً على الأطآلة...

يمكن ارجع مرة ثانية هوون

في موآقف كثير في بالي

بس اختي تبي الجهاز....!

عذرراً ع الأطآلة

07-08-2008, 07:08 AM

آولاً يعطيك العآفيه // فآآآرم ..

موضوعك مرهـ عجبني .. [ لكن تعرف الموآقف مو كل يوم بتطلع لنآ ] ..

..

.. // تيبـ آسمعوا { اللي حصل معي قبل كم ليله ..

..

كآن آول امس .. يوم طلعت من المعهد بنروح نجيب امي من السوق ~

ووقفنآ عند صيدليه بآخذ منهآ غرض ..!

والصيدليه بشآآرع عـآم .. وآنآ رآجعه بركب للسيآرهـ ..

كآن .........!

][ أعمى ][ يمشي في الشـآرع العآم ..

على مآوصلت للسيآره طبعاً ابوي ورآي شفت بقآله قلت أشتري لي حآجه آكلهآ ..

المهوم شريت خلصت ,,

و ابوي ركب وكآنت السيآرهـ موقفها يم الرصيف اشوي يعني وآحد بس يقدر يمشي فيه

وكآن الاعمى يمشي جنب السيآآرهـ ......!

ومآكآن بيده [ عصآ ] .. لآ .. كآن يتحسس الأشيآء بيديه ..

وآنآبركب السيآره وآقفه ومو عآرفه وين آروح وشلون امشي ..!

مآيكفي المكآن الا وآحد يمشي .. !

شسوووي الرجآل مآيشووف وين يمشي ..!

انزين .!

ولآزآل يتحسس بالسيااره وانا قلبي وآقف مو عآرفه شالسالفه .!

..

وتعرفون اعيون الأعمى ..

بصرآحه تخوفني ..

.. [ حمدلله ’ حمدلله .. على هالنعمه لك يآآآآآرب ] ..

انزين ..!

وآنآ صآير قدآمه وربي [ ضبط ] وبيمشي قدآم وآنآ وآقفه ..!

<< .. لآتقولون ابقره كآن مشيت .. صرآحه الموقف مرعب ويخووف ..

المهووم .. / بالنهآيه / .. توه بيتحسس اللي قدآمه .. >

ولآ أرقآآ فووووووق الرصييف بسرعه ..

وركبت السيآره ..

..

والأعمى كآن يمشي [ بيخطف الشـآرع ] .. وسيآرآت زحمه ومآترحم ...

خفت يصير شي .. >> دمعة عيوني ..

لكن ........!

}{ الحمدلله ’’ تجآوز الشآرع بسلآمه }{ ..

ودخل على دكآن [ بوفيه ] ..

طبعاً .. !

جآني بعض الفضول .. ؟

كيف أهله يسمحوا له يطلع الشآرع كذآ من دون مرآفق .!

ووينهم عنه .!

ومآكآن فيه بيوت هنآك > الديره ..

يعني قآطع مسآفه هالرجآل [ الاعمي ] ...!

وبصرآحه مو صقير .. !

رجآآآل كبييير [ شآيب نوعاً مآ ] ..

.!

لكن سبحآن الله .. [ الاعمى ] ,, له حوآس آكثر من اللي ينظر ..!

سبحآن الله ..

وشكراً لك فآرم مرهـ أخرهـ ..

..

08-08-2008, 04:14 AM

يوم قلتي طالعة من المعهد... ذكرتيني بسآلفة صارت معي

مرة كنت بطلع من المعهد... دق علي زوج أختي (هآني) وقآل انا اللي بجي بآخذك اليوم... السواق ماخذينه للسوق ومدري شنوو

انا قلت OK مو مشكلة... أهم شئ اني أوصل البيت

الموووهييييمز...
خلص الكلآس... دق علي زوج أختي... يلآ عنوود أطلعي انا عند باب المعهد...

وعاد انا متعودة على زوج اختي.. دايم تمشيات معه وحركتات... واعرفه كل شهر له سيارة

انا طلعت من المعهد ويآربي ويين السيارة وينها... كان في حوآلي خمس أو ست سيارات عند الباب

شفت سيارة زوج اختي ... ايييييييه وأخيراً هذا هي اللي آخر مرة طلعنا فيها

ولآ اشوف السيارة تكبس باللمبات... قلت اي اجل عدل هذا هو يكبس لي

رحت للسيارة وفتحت الباب اللي ورآ.....................

.

.

.

السلآم

.

.

.

اقول بقلبي : غريبة هاني ساكت...

يلتفت الرجال ويطالع انا اخترعت ومن الخرعة قلت: سوري والله مادري

خخخخخخخخ وصار شكلي توووحفة من الفشلة قمت ادور وجهي ابا القطه ههههههه

وسمعت صوت هرن وراي... يووووووه هذا هاني

وقفت عند باب السيارة وسكت عشان مايصير غلط هالمرة بعد

قآم يضحك يقول شبلآك فشلتينآ دخلتي سيارة الرجال >>>يتطنز علي

انا طبعاً طول الوقت سآكتة من الفشيلة خخخ >>>مالي وجه بعد

08-08-2008, 05:52 AM

شكرا ( عنيدة / أنين ) ع المشاركة
" اثلجتم " صدري ,, و جبرتوا بـ خاطري في هالموضوع

نـجي نشوف عنيدة وش قالت

اقتباس:

كانت مشرفة المصلى... وأتوقع أنها تدري اني شيعية وهذا سبب الكرهـ... لأنها بنت ((نسيت عايلتها.. بس بدوية))

أسلوب هالمعلمة كان يعتمد على المزاح من العيار الثقيل جداً... يعني مزحها انها تطنز على البنت اللي واقفة قدامها

امممــ ,, " عُـرف السبب ,, فـ بطل العجب "

هنا بداية المشكلة ,, و ماادري متى بـ تتفتح عقولنا و نفهم إن المذهب ما له دخل في التعامل
ماله دخل في الدراسة و الشغل و التوظيف و كل شي
الكل ( أو الأغلب ) يعااني من من هـ المشكلة ,, في المدارس و غيرها

الملك يقول خلونا نتفاهم ونعيش مع بعض ,, و بعض الناس يقولون ناقشوني و إذا اقنعتكم تغيرون مذهبكم
وإذا اقنعتوني اغير مذهبي

اقتباس:

قلت انا بهمس أي والله

ولمحتني بل عليهآ

بعد انتي الله يهديكـ ,, ماكان المفروض " تهمسين "
خليها لـ نهاية الحصة و بعدها قولي الي تبين ,,

بس بصراحة يعني ,, كأنو انتي اللي سببتي المشكلة

أو الهذرة اللي صارت ,, و اكيد ماراح احد يرضى يقال له " اي والله كرهنا حصتك "

اقتباس:

اهي لحالها عيونها لحالها وساع وتحط فيهآ كحل وتبحلقهم زيآدهـ

اممممــ ,, لا تعليق

اقتباس:

وبعدين قآلت

انتي يالـ(بنت الدعسة) أنا اكرهك >>>طبعاً قآلت عايلتي

من جدكـ ؟ كذا قالتها في الفصل بين الطالبات

اكيد ذي شايلة بقلبها عليك شي مب بسيط

لـ هالدرجة وصلت الحاالة في " بعض " المدرسين

تقول الكلمة ولا تعير مشاعر الطالبـ/ـة أي اهتمام و كأنه بزر ما يفهم
( حتى الأطفال يحسون و يحبون ويكرهون )

و القهر إذا جا قال لك >> |||| قُــمْ لِلْمُعلِمِ .... ||||

أنا اشوف إن هـ العقول المتحجرة علاجها صععععععب

و من الأفضل أن نتجنبها و لا نحتك فيها

>> كان عندنا مدرس يقال له ( .... ) كان متشدد متشدد بقووة

يكره الشيعي كره العمى ,,

لكن الطلاب متفهمين وضعه ( هـ المريض ) و يعرفون شلون يتصرفون وياه

بكل بساااطة ,, خلّه يولي

و كل ما قال شي " هزينا راااسنا " ,,

و مو سذااجة فينا إذا سوينا كذا

بالعكس ,, إذا صار اهو المدرس و الإدارة نفس الشي ,, ماراح يطلع شي بيدك

\

وشـــــــاكر لكـ طرحكـ اخت عنيــدة ,,

تحيــــــــــة ,,

10-08-2008, 06:52 PM

الســلام عليكم,,

اول شــي الموضوع بغاايه الروعه

يـخلي كل واحد فينا يسترجع ذكريات ومواقف مرت عليـه ,,

مافي ببــالي اي موقف من زمااان

بــس اليـــوم صــار مقف مابتخيــل انـــي بنســـاه

,,,,

كــالعاده بالعصر 3 وبعـد الغدا ونريـح عا (قوووري شاي

)

الا نسمع ذاك الصوت

عوووووووووووووووووووووو طااااااااااااااخ

سياره تفحط وصقعت بجدار بيتنا

يالهوي,,حسيت بالبيت يهتز

<<

انا وقفت بمكاني

اللي بالبيت كللله مفجوع وامي تصارخ وش صار ,,وش صار

طيررررران على النوافذ ونشووف ذيييك العااااااالم المتجمعه

واخواني طلعو ورجعو يدونا الخبر

في شاب الله يهداه مسرع مدري وش السبب ومعه حرمه وعيال

طبعا انا الزبده ماكنت مستوعبه شي ,,لسه مفجوعه

ومصروووعه من هول قوه الصدمه بالجدار

اللي انكسسر وتحطم

اكتر شي خفت عليه اللي بالسياره وسياره ابوي

كانت سياره ابوي قريييييبه مررره من الحادث

الله ستر عليها

واللي بالسياره الحمدالله ماصارلهم شي,,بس الرجال يده مدري وش صار فيها
و ميه ميه الحرمه رايحه فيها من هول الصدمه,,

منظـر السياره بعد الحادث تخررررع

اول مره اشوف حادث كدا قدام عيني

بس موقف مووووفجع

,,,,

ميه ميه لي رجعه اذا تذكرت شي

11-08-2008, 01:59 AM

اي للأسف اني في سباااات عميق ..
الدنياا تهتز وانا اصيد الورد اللي بالحلم

طبعاً دريت بالخبر وانصدمت لأنو الموقع غلط وبصراحه الحادث جايد
على طوول سألت عن الاولاد والبنت اللي بالسياره والحمدلله ماصار لهم شي

والسبب الله اعلم ..
هل سرعتهم او بسبب السياره اللي قبالهم اللي مومعطيتهم مجاال

هااذي الفتحه اللي صاارت

11-08-2008, 02:11 AM

,,

..~

صـآآير لبيتن ـــآ وآن ـآ مدري ..>> رآيحهآ فيهآ سوبآت مع الأخت ..

يله حمدلله على سلآمتهم // ~ وسلآمة سيآرتنآ العزيزهـ ..

~[ لي رجعهـ ..

مـواقـف الــحياة .. [ مســاحة حرة للجميع ]

منتدى الحوار والنقاش والقضايا المعاصر