1.
الهدية هي أول وسيلة للدخول لقلب أي إنسان لقول الرسول صلى الله عليه وسلم:
(تهادوا تحابوا) حاولي تعرفين حماتج شتحب، علشان تعرفين ذوقها لما بتشترين لها هدية
وإذا كنتي معاها بمحل وعجبها شي بس ما شرته، روحي اليوم الثاني اشتريه لها وفاجئيها
ولا تفوتين ولا مناسبة بدون ما تعطينها ولو شي بسيط يفرح قلبها..
العيد جاي لا تنسين 
2. إذا
مرضت لا سمح الله حتى لو سخونة بسيطة، كوني أول وحدة تزورينها وسألي عنها كل شوي.. ولا تنسين تدخلين عليها بباقة ورد أو كيكة
3. لا تبينين لها أبداً انج
تحبين ولدها أكثر منها
4.
مدحيها دايماً في وجهها ومن وراها بعد.. وحاولي تدورين أقل شي يعجبج فيها عشان تمدحينها
5. دايماً مدحي
أكلها وذوقها تراها مرة كبيرة ومحتاجة الكلمة الطيبة
6.
صاحبيها بالعزايم وخلج دوم معاها
7. إذا قطت عليج كلمة
مشيها تبقى مرة كبيرة حتى لو جدام الناس والاهم ..هي
ام زوجج وبحسبت امج ،، وإذا سببت لج إحراج حاولي تقلبين الموقف إلى غشمرة
وخليها تعدي 8. ناديها "
يمــة" وحبيها على راسها كل ما تجوفينها
9. لما تدخلين عليها امسكي
عيالج ووديهم لها
ومدي يدهم عشان يسلمون عليها ويحبون راسها.. بجذي راح تعرف انج تعلمين عيالج على
حب جدتهم واحترامها 10.
لا تجادلينها أبد واللي تقوله يمشي
11. اطلبي
المشورة والنصح منها في بعض الأمور البسيطة كأمور المنزل عشان تحس انج معتبرتها قدوتج
12. إذا رحتي بيتها، أبداً لا تقعدين كوحدة غريبة.. خلج معاها بالمطبخ
ساعديها 13. لا تدخلين عليها بيتها إلا ومعاج
طبق يا من تحت يدج أو حتى كيكة جاهزة أو معجنات
14. إذا كانوا
جايينها ضيوف اتصلي فيها يوم قبل شوفيها شنو محتاجة وسأليها إذا تجيبين معاج طبق حلو أو مالح.. وبيوم العزيمة، وصلي لبيتها قبل المعازيم عشان تساعدينها بالمطبخ
15. إذا كنتوا رايحين لعرس وكانت حماتج
كاشخة، سمعيها من الكلام الطيب والمدح.. ولا تنتقدين كشختها كلش خخخخخخخخخخخ..
يبقون الناس أذواق 16. لا
تدلعين زوجج بزيادة جدامها تراها تعبانة فيه، حاملته 9 شهور ومربيته.. أكيد راح تغيير شوي
خلي الدلع لما تكونون بروحكم وخليها تفرح بشوفته وتدلعه بهالكم ساعة اللي تجوفه فيهم
17. لا تكثرين كلام، حلاة البنت
بخجلها وحيائها وذوقها..
والاستهبال تركيه عنج على الأقل جدام حماتج
18.
زوريها على الأقل مرة بالأسبوع، ورفعي
السماعة كل يومين سألي عنها وخلي أحفادها يكلمونها
19. لا
توزين زوجج على أمه ولا تقولين أمك قالت وأمك سوت.. خليه بار بأمه وواصل وشايلها على كفوف الراحة.. ترا إذا
مافيه خير بأهله مافيه خير بالناس 20. إذا حماتج عندها
جوال، دزي لها كل يومين
مسج حب وشوق وأدعية
وعسى الله يهنيكم
12-12-2007, 07:02 AM 
لتكونيــ كنــة رائـعة 
...
العرض العادي
